美國天后Taylor swift被卸妝 網友抵死留言:點解變特朗普

撰文:溫菁莉
出版:更新:
講到時下後生仔po相之前一定要「P」下圖先咁放出街,喺娛樂圈中要講P圖表表姐,一定系宮雪花喇!簡直可以話系化腐朽為神奇,而大家都好認同佢嘅P圖功力。但最近有一個卸妝apps,恐怕全世界女孩都要避之則吉喇!日前,有網友就將6位女星分別是包括少女時代成員潤娥(又譯︰允兒)、Anne Hathaway、Avril Lavigne、楊冪、Taylor Swift、Emma Stone等人「卸妝」,不少網友見到後都留言話:「太恐怖了!!」

其實睇返被卸妝後的女星照片,都不算有太大落差,咁當然無上鏡咁靚喇。大部分的網友都話女星們淡妝後反而仲後生同清純,期間點名大讚楊冪及Avril Lavigne。可惜有位女星就無咁好彩了,因為卸妝後竟然被話似男人!呢句說話可以話系難聽過粗口,講嘅受害者就係美國天后Taylor Swift,因為有網友見到佢卸妝後嘅樣勁似美國總統特朗普,最陰功繫有好多人都認同。咁又難怪嘅,因為Taylor Swift最近被指身材走樣,比之前脹咗幾倍,所以被人認錯系「trump trump」嘅!