【性在有情】溫家偉演短小精悍男　講出最痛：始終男人需要呢樣嘢

雖然前倉底劇《性在有情》收視未如理想，但題材上算是近年較為新鮮，縱使討論性的手法有待進步。除了之前主角陳敏之與張兆輝在床事上有障礙、王君韾會飾演性強迫症之外，今晚就有大隻仔溫家偉，他在劇中飾演一個「短小精悍」的男人。

TVB的劇組人員在這方面有花過心思。一般人可能以為男士身型高大，那方面自然會很「威猛」，但溫家偉這個角色就告訴你，有時候會不成正比。溫家偉在劇中，因為自己的性器官太細小而感到自卑，繼而影響與老婆的性生活及關係。飾演社工的張兆輝收到個案後，上到健身室幫他，得知溫家偉為了重拾自信，打算到台灣接受整形手術，為了阻止他，於是就被溫家偉任打5分鐘，最終打動到對方，講出自己所有唔開心。

溫家偉講起《性在有情》，他也表示事隔太久，差點忘記當中細節。向來身型健碩的他，在劇中有做gym的情節，實在是easy job：「我自己不嬲都有操開，一直都冇咩難度。」好喇！要講返入正題。今次溫家偉飾演一個為性器官細小自卑的男人，向來都是鬼仔性格的他，演上來不覺有甚麼尷尬：「咁我咩角色都會做，你叫我去剃光頭，做一個樣醜樣嘅人都冇所謂，因為我想咩都試下，而且今次都冇乜嘢，我份人對呢樣嘢都比較open。」

男士講起「尺寸」的話題，只會認大而不會認細，或者會取笑他人細。如果天生短小，相信是大部分男人的最痛，溫家偉笑言：「我諗係啩，始終男人都係需要呢樣嘢㗎嘛。」不過，以溫家偉的鬼仔性格，加上拍劇咋嘛！又唔係真，所以就算劇集出街，有機會引來網民取笑或者討論都好，溫家偉都未驚過：「怕咩畀人笑！都係拍劇啫！我想大家覺得我做得好！」啱呀！演員係要專業嘅！