【兄弟】劉穎鏇為演拳手減肥：日日無鹽無糖好辛苦

去年嘅港姐3甲包括馮盈盈、劉穎璇同張寶兒都可以話係繼陳凱琳個屆之後曝光率最多嘅港姐。當中劉穎璇（Tiffany）可以話係最多工作，除了主持仲有拍劇，昨晚就為劇集《兄弟》拍攝一場打拳戲份。係人都知Tiffany「仙」氣十足，估唔到佢第一套劇竟然係做打女。今次係劇中飾演拳手嘅Tiffany接受《香港01》時被問到，有無為此增肥下自己咁先可以練到老鼠仔出嚟，佢就笑言，「而家個個見到我都話瘦好多靚好多，勁開心就真，所以唔使增肥喇！」

估唔到Tiffany為了演好今次拳手角色，日日都咁進行地獄式減肥訓練，「唔係只係做運動就可以瘦，連食嘢都好重要。我呢幾個星期日日只係食蛋、雞胸肉同菜，全部都無鹽無糖，完全係好辛苦！」但佢就話而家咁辛苦都係值得嘅，「因為之後睇番，見到自己有咁嘅效果，證明自己盡咗力，我都好滿意今次自己嘅表現。」

提到下星期就快到聖誕節，Tiffany會點過呢？她笑言暫時知道25號正日未有通告，「其實套劇仍然繼續拍緊，大家都好chur，我都有心理準備個日要返劇組拍攝，同埋我地成班台前幕後都好friend，之前又一齊去倫敦，所以都開心嘅。」Tiffany之後透露下個月底，就會出發到菲律賓繼續展開拍攝工作！