【開心速遞】網民熱捧上最佳女主角　大小姐：唔係呀嘛？我唔得㗎

在《愛．回家之開心速遞》，近期飾演大小姐龍力蓮的林淑敏(Mandy)可謂人氣急升，平時在劇中尖酸刻薄、野蠻潑辣和大罵別人的畫面深得觀眾喜愛。最近Mandy憑此角色被提名上「最佳女配角」最後20強，是在2005年被提名「飛躍進步女藝員」後，第二次在頒獎禮名單中出現。不過有不少網民表示，她應該直接被提名上「最佳女主角」，因為成套《開心速遞》中，她根本是重點。

其實Mandy一直都是一個謙虛的人，在接受《香港01》訪問時，她說：「多謝大家鍾意大小姐呢個角色，其實佢哋唔只like我㗎，每一位有份幫手造呢個角色嘅編劇都有份，呢套劇絕對係幫我昇華咗。（有網民支持你選女主角喎？）唔係呀嘛？我唔得㗎，我唔係呢個位，我守好自己本份就得㗎喇。至於女配角，其實我都無預到自己有提名，有提名其實已經好好㗎喇，我都唔敢諗之後，如果有額外嘅嘢，我就會當佢係年頭花紅。其實我一直都係低頭做好自己，做好每一部戲，被受肯定真係好開心。我有一班朋友成日都會cap圖俾我睇一啲留言，有一個留意係話我為香港帶來歡笑聲，要祝福我，嗰陣其實我都病緊，我真係感動到喊咗出嚟。」當年Mandy被乳癌困擾，多得一班藝人朋友和粉絲支持，最終抗癌成功！

作為一個演員，可能大部份人的目標都是以做主角為主，不過Mandy曾經也說過無諗過做主角，她不怕一直做一些閒角，因為這是一個演員的責任，她充：「以前我係比較睇重行內人對我嘅評價，啲人成日都講行家一出手，便知有沒有。我成日都話，一個角色嘅功勞唔會剩係我一個人，背後有好多人去創造呢個角色，我甘於做一個演員，留喺呢個位於。而家嘅稱讚只係一時，如果我咁快就自滿，當無咗大小姐呢個角色我就會唔知點算。不過我當然好開心，有咁多人留意呢個角色，其實做演員都係想為大家帶來歡樂，我已經當出咗糧㗎喇。」