陳妍希仔仔「小星星」1歲生日開party慶祝：別長太快
撰文：溫菁莉
出版：更新：
去年7月與內地男演員陳曉結婚的陳妍希，婚後感情甜蜜，不時放閃，當中陳妍希同年亦誕下仔仔「小星星」陳睦辰，現實中過著「神雕俠侶」的美滿生活。而昨天(20/12)亦是「小星星」1歲生日，陳妍希同老公當然要為仔仔大搞生日party喇！她更上載仔仔的萌照到微博，並留言話，「願你平安長大，但別長太快，一歲生日快樂，我的星星」
其實早前陳曉在香港出席品牌活動時已透露，會花心思準備，畢竟是兒子第一個生日。雖然今次小星星正面照仍然未曝光，因為陳妍希繼續用星星圖遮住寶寶仔嘅樣，但難掩小星星肉肉嘅面珠。從照片所見，唔知陳妍希係咪都跟足傳統為仔仔辦抓周活動呢，因為見到小星星拎住籃球，唔通長大後真係會成為籃球員呢？btw老公陳曉就走搞笑路線慶祝仔仔生日，係微博留言，「一歲了孩子，你已經不是小朋友了，要學會贍養父母照顧家人了。」不少粉絲睇到留言後都笑爆嘴，獻上祝福之餘仲好抵死咁模仿小星星的語氣開玩笑表示「爸爸，那是不是該幫我找個老婆了」。
+1