《三流之路》金智媛定李幼梨？ 誰最有機會拎KBS演技女優秀獎？
就到年尾啦！韓國每年年尾都係頒獎禮嘅時節，而今年KBS都有好多不同的好劇引起大家共鳴。香港嘅觀眾就一定睇好《三流之路》金智媛，但韓國網友就普遍認為係《爸爸好奇怪》李幼梨（又譯：李宥利）。到底邊個最有機會拎走今年KBS演技大獎女優秀獎呢？
《爸爸好奇怪》李幼梨
李幼梨在周末劇《爸爸好奇怪》中飾演二女卞惠英，因為同柳秀榮飾演的車正煥用「合約婚姻」方式結婚，話題性同發揮都十足。加上韓國方面，網友對李幼梨出色嘅演技都十分認同，在這樣的情況下，李幼梨絕對有機會問鼎今年嘅KBS演技大獎女優秀獎。
《三流之路》金智媛
香港人比較認識的候選人一定係《三流之路》的金智媛，一來《三流之路》有係mytv super播出街，二來金智媛因為《太陽的後裔》而入屋，所以大家對金智媛好感度比較高。《三流之路》以年青人的成長故事，加入愛情元素，輕鬆得來又有意思，同時又係金智媛第一次擔正做女主角，所以當然要支持一下啦！
《魔女的法庭》鄭麗媛
4年之後再次在三大電視台現身的鄭麗媛在《魔女的法庭》中以馬翌一角再次得到大家的關注。鄭麗媛係《魔女的法庭》中扮演不擇手段檢察官，當中的Girl Crush正正合乎時下韓國觀眾的口味。而且《魔女的法庭》在11月28日大結局，因為時間上近年尾，大家記憶都會深刻啲架！
《金科長》 南相美
以17.2%收視率完美收官的收視「逆衝」韓劇《金科長》中，扮演女主角的南相美當然也是有力候補之一啦！南相美因為《金科長》的高冷同見義勇為令大家係劇中搵到一個生活上的寄託，令南相美備受追捧。當然，因為南相美做得入型入格，大家先可以睇得咁投入啦！女優秀獎又點可以少左佢呢？
下載《香港01》App，更多韓星靚相、影片率先睇！
iOS：http://bit.ly/hk01app-iOS-download
Android：http://bit.ly/hk01app-Android-download
我們01韓迷的facebook專頁Kpop 01已經開始喇！想知道更多韓國娛樂、飲食、玩樂、時尚資訊，快點去給like吧：https://www.facebook.com/hk01.kpop/