林峯拍新MV有神秘拍檔助陣 MC Jin亂入一齊玩freestyle?

大家最近有否收看由林峯主演的內地劇《獨步天下》？這套劇的網上點擊率強勁，林峯的演技都好搶鏡。不過林峯又點止演戲叻，唱得又跳得的他近日就忙於籌備拍攝他的全新MV，粉絲們係咪好期待呢？想睇林峯唱快歌定慢歌？

林峯日前就於微博和IG上載了他身穿墨綠色冷衫襯黑色牛仔褲的照片，相中的他用手遮了半邊面卻依然Chok到爆，相的左邊就有Shocking pink箭咀指住一個遮晒樣的男子，並留言表示：「猜一猜新MV的搭檔是誰呢？」好神秘呀！究竟林峯呢個新MV拍檔會是誰？有不少網民都留言估是Mc Jin (歐陽靖)，如果是真的話，唔知係咪會推出林峯x Mc Jin Chok 2.0呢？咁應該都好有火花喎，粉絲好想睇他們兩人鬥chok鬥yoyoyo呀！