【誇世代】鷲哥失晒霸氣　被歐陽震華掟錢：畀生意你做！　

吳岱融近年於無綫劇入面的演出，最令人印象深刻的一幕，應該是他在《巨輪2》飾演的高天鷲 (鷲哥) 中用錢掟「臭雞」李佳芯 (Ali) 的一場戲，引起觀眾同網民熱烈的討論，「臭雞」仲幾乎變成了潮語。當時好有霸氣，用錢掟Ali掟得好過癮的吳岱融，事隔一年之後竟然畀人用錢掟返轉頭。所講的就是昨晚播出的一集台慶劇《誇世代》，歐陽震華 (Bobby) 拿住大疊錢掟向吳岱融，唔知Ali睇到這幕會唔會覺得好好笑呢。

該場戲的劇情是講述Bobby同張繼聰等人在夜店遇到飾演他上司的吳岱融，Bobby跟吳岱融發生了爭執，吳岱融話Bobby係豬令到Bobby好嬲，於是就從衫袋拿出一大疊錢朝住吳岱融的臉掟向他，仲同吳岱融講話「畀生意你做！」吳岱融聽完即刻笑晒咁踎在地上執錢，仲同Bobby講：「多謝晒！」果然係見錢開眼，好無骨氣呀！