陳曉東上電台大讚老婆好多優點　「反而唔好嘅係我！」

陳曉東自2013年正式「封盤」與圈外女友王妤嫻結婚之後，外界一直對王妤嫻不甚了解。日前陳曉東在商台節目《一圈圈》中就談到了關於老婆王妤嫻的背景以及兩人結婚前相識的經歷。

陳曉東2014年的時候，在香港迎娶比他年輕14歲的台灣人王妤嫻。在節目中，陳曉東就談及了對於老婆的第一個印象。「第一印象就係幾靚囉！」

之後，在節目內陳曉東也對太太王妤嫻讚不絕口。「原來台灣有好多家庭係好conservative（保守）。佢係好純樸嗰種，好單純嘅生活，屋企亦都係好簡單。好乖好有禮貌，佢唔算係喺一個好好嘅家庭brought-up（培養）。佢屋企對佢都好嚴，所以由細到大佢就訓練咗好堅強嘅性格。同埋佢好識照顧別人嘅感受，又好識同別人溝通，好識同人交朋友。佢做模特兒嘅時候又唔會亂去應酬。」嘩！就咁數陳曉東就已經講咗太太數個優點出嚟，睇嚟真係好鍾意佢！

談到陳曉東與太太王妤嫻相識的經過，陳曉東說：「係透過朋友喺聚會認識。一開始佢都唔知我係邊個。原來我喺台灣嘅時候，95年嗰時佢先6歲，佢係89年出世。原來佢係F4嘅年代。」至於太太王妤嫻的背景，陳曉東就豪無保留的說：「佢本身係醫學世家，屋企係開中醫店。佢家姐亦都係醫院護士，佢自己亦都有護士牌。佢的確係入過整容醫院跟刀，幫人塞下巴塞鼻，佢就係旁邊遞刀嗰個。當佢之後決定唔再做平面模特兒嘅時候，佢就返去醫院做返護士。」

節目中被主持人問到為何當初會選擇結婚時，陳曉東就坦言是「奉子成婚」！主持人再問道：「如果唔係有咗BB都唔會咁快結婚？」陳曉東也大方回答說：「都可以係咁講。本身我對於結婚唔係完全信任，我唔知咩叫永遠，我唔知咩叫永恆。」不過陳曉東也表明，結婚生子後太太王妤嫻其實給了他一個「家」的感覺。「（結婚之後）改變就係有個家嘅感覺，唔使飄來飄去。我鍾意佢嘅原因係覺得佢好唔錯，會係一個好太太。反而可能唔好嘅係我！」