【後生仔傾吓偈】麥明詩話讀商科難搵食：會計起碼都有個會計資格

《後生仔傾吓偈》真係好多偈傾，今集就講大學生選科。現在「周街都是大學生」的現象，所以就討論一下他們眼中的「水泡科」及「搵錢科」。馮盈盈講起自己讀食物及營養學科，原來背後都有段可歌可泣的故事。

講起「乞食科」，其後麥明詩最初講到讀科學難啲搵食，以前她爸爸的年代，有大學讀已經好好，讀科學都好受人尊敬，後來講起讀經濟與金融搵唔到食：「呢一科好多人讀，而且講嘅嘢好廣泛。好似讀會計咁，起碼都有個會計資格喇，但呢一科就係太General，唔會令你好與眾不同、有優勢，如果出嚟做一份任何學科都可以做嘅工，咁不如讀得特別啲，同埋商科呢家嘢，唔係靠讀書讀返嚟，以前李嘉誠都冇讀過呢啲喇…Steve Jobs都唔駛讀呢啲喇！」大家即時笑場。馮盈盈聽到之後就慨嘆：「但而家要有個學位，先至可以面試呀！讀呢啲都係為個學位啫…」

而馮盈盈就感嘆自己所讀的學系，只是入門級別：「其實可以讀得深入啲嘅，可以去到醫院幫啲病人，可以提供啲餐單畀佢哋。我而家讀嘅就好General（概括），例如講下咩水果有啲咩維他命喺入面咁。」這個時候，麥明詩聽完即寸馮盈盈：「但係呢啲上網Google都得喇，我記得一個蘋果有70卡路里㖭！」馮盈盈聽完無奈地說：「所以要再讀個碩士囉！」不過佢畢業之後都無意做營養師。

後來馮盈盈又講到選讀食物及營養學的原因：「一嚟我自細都好鍾意食嘢喇…」話口未完，身旁6號又問：「咁點解你唔讀cooking school？」之後馮盈盈就講到原來都關小她4年的弟弟事：「我細佬兩歲嘅時候就有慢性腎炎，咁呢個病就冇得根治嘅，一路就要靠藥物同食物嚟控制，佢一路以嚟都要食得好清淡，濃味嘅嘢都唔食得，要低油低鹽。成世人都要咁樣，如果冇得醫話嘅，當時見到佢冇啖好食，就諗住揀營養學呢一科，讀完希望可以幫到佢。」旁人聽完都覺得馮盈盈好偉大，係一個好家姐！雖然後來醫學發達，細佬可以靠生物製劑，用了之後兩年內都不用戒口，馮盈盈笑完：「我本身都好鍾意呢一科，所以我都冇後悔到，如果唔需要我嘅話，由得佢喇！」不過學麥明詩話齋：「讀完仲搵到個醫生男友㖭！」抵返晒！