高成本就一定高效益？ TVB呢3套劇話你知最緊要有一個好劇本
講起今年TVB嘅劇集，令你印象最深係邊一套呢？除了最近播出的《降魔的》同《溏心風暴3》之外，其實2017年TVB一共推出22部劇集，例如《同盟》、《使徒行者2》、《親親我好媽》等。當中有1套內地劇《射鵰英雄傳》以及3套被外界喻為「倉底劇」嘅《賭城群英會》、《蘭花刼》同《巾幗梟雄之諜血長天》。今年5月播出由林文龍、宣萱主演《不懂撒嬌的女人》大獲觀眾喜愛，當中「Mall姐」更在上星期的星光薈萃頒獎禮贏得「視后」獎項，不少粉絲都覺得佢係實至名歸！好可惜，有3套仲勁過呢套劇，當中第一位嘅全劇平均收視有27點，而且他們的製作成本都不高，咁都贏到真係估你唔到，究竟係邊3套，就要睇埋落去！
同大家講講，2017年TVB劇集平均收視最高排第三位是《親親我好媽》，全劇平均收視有25點。這套溫馨小品劇種同樣夠貼地，有怪獸家長、傲嬌媽、虎媽等與我們息息相關的話題，完全啱晒一班家庭主婦收看。當時劇集播出時，飾演虎媽查向善的江美儀演技更獲網友力讚，更捧紅了劇中的何廣沛及江嘉敏，一度被封為「最佳CP」，他們在劇中的「亮瑜戀」最後因Long-D而告終，令不少觀眾相當掛心！
第二位收視平均最好的就是由蕭正楠、曹永廉及何廣沛參演的《超時空男臣》，呢套穿越劇未播前 被指似足韓劇《閣樓王世子》，劇情同歷史記載有差異，以為係一套「膠劇」喇。點知，觀眾對呢種劇情十分受落。我認為呢套劇最成功之處係時間上撞正暑假播，而且劇情又不算複雜，暑假煲劇最重要係有得笑，輕輕鬆鬆笑下又一集。雖然劇集播出以來一直被批評Cult味太重，但睇收視的反應有27點，我認為TVB可以開闢一條新路Cult劇，正所謂「Cult頭盡頭便是型」！
第一位估唔到係8月播出的《同盟》，全劇平均收視有28點。這套劇擺明就食住去年《城寨英雄》條水，除了無牙佬同花蔓，找來幾乎原本人馬例如男女主角陳展鵬同胡定欣等人參演，當中有首次參加演TVB劇集的影后鮑起靜，為《同盟》加添不少追看性。劇集一播出，有應屆視帝、視后果然收視有保證，第一週已經有26點，其後仲有升無跌！雖然最後大結局，陳展鵬咁容易做取代到rainman的劇情似乎太兒戲，但唔緊要呀，觀眾受咪得處囉！
今年高成本製作有《不懂撒嬌的女人》及《使徒行者2》，外界對於前者的評價無論是劇情、拍攝手法及畫質方面幾乎零負評，由首播到中期不少人都寄予厚望，最終卻「一篤老鼠屎整禍成鍋飯」，就因為Saving同Cherry嘅補拍片段引起民憤。至於《使徒行者2》沒有了爆seed同釘姐呢兩個最重要靈魂，而新加入的角色未見驚喜，不少觀眾都頗為失望。仲有的就是內地優先播放的問題，不少網友為了慳時間紛紛自行上網觀賞劇集，從而減低追看性，我認為TVB不如還是做多一點小品劇集吧喇！