【誇世代】龔嘉欣為人好直率　唔怕得罪人：任性同際遇係呢兩樣嘢

一年後，終於在50集長劇《誇世代》見到龔嘉欣，未來還會有更爆的演出。不過，相信大家仍難忘她去年在《幕後玩家》，得知老公出軌，哭得力竭聲嘶的場面，從而讓她得到最佳女配角的肯定，最近還當了第一女主角，演出《堅離地對堅離地》。下星期便28歲的龔嘉欣，不經不覺入行9周年，事業漸入佳境，但她笑言：「呢段日子絕對係捱返嚟！」

雖然有不少演員都有這個必經階段，但對龔嘉欣來說，意義會有所不同。她自言對人生沒有甚麼目標，入行之前她的志願是當幼稚園教師：「因為我好鍾意小朋友嘅，但如果你要我當時落實去諗去做一份點樣嘅工，我後來都愈諗愈唔清楚。」於是機緣巧合之下，龔嘉欣開始當模特兒，19歲時再加入TVB。一個懵懂少女，沒有選擇安穩生活，在無定向之下加入了五光十色的娛樂圈。直到現在，龔嘉欣都沒有為自己訂下任何目標，言談之間時有流露思考的表情，她還是說：「冇呀…真係冇咩目標…做嘢囉！工作至上。」

做任何選擇，凡事都會有得有失。19歲踏入複雜的世界，龔嘉欣二話不說：「我覺得自己比其他人冇咗童真！」當同齡朋友還在享受社交生活，時有食飯打卡擺上Facebook，龔嘉欣卻劇接劇，每天都有工作充實自己，但她看過他人歡樂照片後，還是會想：「係有嘢要犧牲，但係早啲去接觸唔同嘅嘢，我都會學到好多嘢。」往好處想，她覺得自己是幸運的：「19歲就入去好快就做主播，當時會諗公司都好冒險，畀一個女仔傻下傻下去做主播，又唔識講嘢又盛，但呢啲都係逼出嚟、學返嚟。」

年紀輕輕的龔嘉欣，在摸索未知的路途，難免會有困苦。讓她最困惑的時期，正是2012年拍攝《金枝慾孽貳》：「嗰陣時望住個劇本，我覺得自己唔識演，日日匿埋喺屋企不停係咁喊，見到一個個好深嘅字，都唔知點讀，亦好難記。」不演不演還需演，《金枝慾孽貳》是重頭劇，機會並不是隨時有，龔嘉欣咬實牙關後，拍完播出街再到今天，她豁達地說：「冇嗰次，我記劇本都冇咁勁，都係一個經歷。」

聽到龔嘉欣的過去，都會以為她如鐵般硬淨，但她聽罷矢口否認：「唔係啩！我其實份人好任性。由我決定入呢行，屋企人都冇反對過，都畀我去發揮，但你知放手畀我自己去做，就會令我諗嘢好衝動。就係因為我任性，有陣時講嘢都會比較直率，有陣時得罪人都唔知。」那麼，直率性格又有否令她得到的機會比他人少呢？龔嘉欣說：「我諗任性同際遇呢兩樣嘢唔關事嘅，我係一個演員，但我到呢一刻都仲係唔識點去做一個artist，可能有時要面面俱圓。只能講我真係好好彩。」現在龔嘉欣是個工作狂，得閒拍劇都唔得閒拍拖，連對象都未有，所以她只希望這份幸運，繼續帶到工作上，長做長有。