[MAMA日本]BoA PICK系Wanna One黃旼炫 I.O.I娜榮頒獎俾PRISTIN
![[MAMA日本]BoA PICK系Wanna One黃旼炫 I.O.I娜榮頒獎俾PRISTIN [MAMA日本]BoA PICK系Wanna One黃旼炫 I.O.I娜榮頒獎俾PRISTIN](https://cdn.hk01.com/di/media/images/1018513/org/359124d21c6c46d02d18a51e410960e7.jpg/oDdU2QXKbZ3WixZyXx9MAkBko-qFFHIWBFCBkgRQgZI?v=w1920r16_9)

估唔到亞洲之星BoA會為MAMA日本《2017 Mnet Asia Music Awards in Japan》打頭陣,率先同SEVENTEEN、TWICE仲有Wanna One嘅黃旼炫帶來開場舞台。無錯!BoA PICK就係Wanna One嘅黃旼炫,仲同呢位《Produce 101》Season 2嘅國民製作人代表一齊表演《Only One》!而Wannable(Wanna One粉絲)又估唔估得中BoA PICK系黃旼炫呢?
而MAMA日本開場無耐就已經公布咗男、女子新人獎,女子新人獎就由去年得獎嘅I.O.I成員請夏、有情、度延、娜榮(前譯:娜英)同Pinky潔瓊一同頒獎,不過最搞笑系由娜榮手持得獎名單公布女子新人獎為PRISTIN嘅一刻。由於娜榮就係PRISTIN成員,但有石佛之稱嘅佢當望到自己得獎即時呆一呆,場面非常搞笑!而娜榮發表感言時就多謝一眾社長、室長、工作人員以及屋企人,更特別提到希望缺席嘅PRISTIN忙內Kaila快啲好返,以後會以更好嘅面貌同大家見面!
MAMA日本男子新人獎得獎者就係眾望所歸嘅國民大勢新人男團Wanna One!樸佑鎮表示:「好多謝給予我哋呢個咁大嘅獎項,當中有好多人辛苦付出,先可以令大家走到呢步。同時感謝家人,當然仲有Wannable(Wanna One粉絲)啦!」其後黃旼炫再以流利日文翻譯一次,再講到好感謝大家帶我哋嚟到呢個夢想嘅MAMA舞台,會繼續努力活動!
【日本MAMA】Xiumin紅地毯高呼:掛住EXO隊友 樸寶劍要唱歌彈琴?
BoA、Wanna One黃旼炫《Only One》
下載《香港01》App,更多韓星靚相、影片率先睇!
iOS:http://bit.ly/hk01app-iOS-download
Android:http://bit.ly/hk01app-Android-download
我哋01韓迷嘅facebook專頁Kpop 01已經開咗喇!想知道更多韓國娛樂、飲食、玩樂、時尚資訊,快啲去畀like啦:https://www.facebook.com/hk01.kpop/