苗僑偉奪大馬視帝　王浩信一樣開心 ：我一啲失落感都冇

《TVB星光薈萃頒獎典禮》日前（11月25日）就順利舉行完畢。雖然《踩過界》最後只奪得了「最喜愛TVB劇集」，而同時失落了「最喜愛TVB男女主角」。「盲俠」王浩信今天就專程由馬來西亞漏夜趕回香港出席劇集《溏心風暴3》的宣傳活動。王浩信接《香港01》訪問時説：「攞唔到男主角獎，我一啲失落都冇。」

王浩信：「我反而好開心三哥（苗僑偉）攞到呢個獎。我同佢係由《型警》已經開始認識，佢係我恩師同埋朋友，但係我唔知原來佢咁多年嚟，冇攞過「最佳男主角」。佢做男主角個年資係同劉德華差唔多。所以我係好開心可以喺現場，同埋我冇見過三哥（苗僑偉）咁真情流露嘅激動。」

説到《踩過界》，王浩信就表示這個獎項是對台前幕後團隊的肯定以及鼓勵。「之前喺北京都攞過一次《十大精品網劇》，而每一次我都可以代替上台領獎「叨光」我都覺得好榮幸。」

至於《萬千星輝頒獎典禮》中，王浩信有否信心 得到「最佳男主角」一獎，他接受《香港01》訪問時説：「觀眾值得我攞，我就已經攞咗。」似乎王浩信對於獎項又沒有甚麼渴求。「點解我唔想將奬項作為奮鬥目標，因為咁樣係阻礙咗我喺戲劇上嘅進步。當然獎項係對演員一個肯定同鼓勵，可能仲會係壓力添。因為當演戲係一個興趣嘅時候，我會每一分鐘都諗緊呢樣嘢；但係當佢變成工作嘅時候，個態度會唔同咗囉。」原來王浩信同好多演員一樣，都當演戲係興趣咁做，唔怪得《踩過界》咁好睇啦。

咁究竟《溏心風暴3》有咩係必睇位呢？《香港01》訪問，王浩信：「我點都要推介一下自己嘅角色，由一個二世祖出入玩樂都係由Bosco（劇中是王浩信的舅父）一手包辦嘅角色。點樣因為同香香公主嘅感情而不斷發憤成長，但係佢同香香嘅感情係不斷咁錯過對方，而不斷成熟，最後變成一個真正嘅男人，去睇返住頭家，再同Bosco形成一個對立關係。每一集嘅成長我都覺得想同觀眾分享。」後來他再補充第三輯與以往不同：他透露：「有別以往《溏心》系列，今輯《溏心風暴3》多咗正能量，少咗爭產。大家會成日見到4大主角，菊姐、司琪姐、夏雨哥、祥仔，加埋我哋呢啲新血，我啦，敏之同大師兄Bosco，我哋成家人喺度唱歌。（唱咩歌？）唱一啲八十年代香港金曲。（王浩信更即席唱了2句：哪吒～不怕海龍王～）初頭我哋都覺得香港家庭有冇人食食吓飯喺度唱歌。但係剪返出嚟發覺原來香港人就係需要呢啲溫情同正能量。」

在《香港01》訪問中，王浩信就稍微透露了一點他與香香《溏心風暴3》的感人位。「有2，3集係我同香香表白訴心聲一啲感情濃郁嘅戲都係好推介。如果鍾意啲激情啲嘅可能係2，30集左右，我哋會有一場多眼淚嘅戲。（咁講即係可以當愛情片睇？）係吖，我同阿香（岑麗香）呢一條線可以當愛情片睇。我同阿香嘅愛情故事都係一路延續40集。」