MBC《無限挑戰》終於復播 平昌冬奧傳聖火朴明洙叫錯秀智超尷尬!
撰文：施可瑩
出版：更新：
事隔12星期，韓國MBC電視台綜藝《無限挑戰》終於再次播放了！相信香港觀眾都等咗呢一刻好耐，由劉在錫、朴明洙、鄭埻夏、哈哈同梁世炯主持嘅《無限挑戰》終於喺11月25日復活。本來當日播出的《無限挑戰》是2018年平昌冬季奧運會傳聖火特輯，理應好莊嚴先啱，點知因為朴明洙一個人，竟然令氣氛完全唔同！
+18
劉在錫、朴明洙、鄭埻夏、哈哈同梁世炯，因為《無限挑戰》所以得到成為2018年平昌冬季奧運會火炬手的機會，聯同早前熱播韓劇《當你沉睡時》女主角秀智@missA一同在11月1日當日參與這個千載難逢嘅傳聖火活動。《無限挑戰》朴明洙可能因為見到秀智太靚而暈曬大浪，因而叫錯秀智的稱號做「國民妹妹」，更要秀智喺佢隔離提足3次：「國民初戀」，朴明洙先知自己出醜！而《無限挑戰》另外兩位成員劉在錫、哈哈又點會放過呢個大好機會去取笑朴明洙！仲要再提朴明洙，文根英先係「國民妹妹」啊！雖然停播了12個星期，但《無限挑戰》的搞笑功力卻沒有退步啊！
下載《香港01》App，更多韓星靚相、影片率先睇！
iOS：http://bit.ly/hk01app-iOS-download
Android：http://bit.ly/hk01app-Android-download
我們01韓迷的facebook專頁Kpop 01已經開始喇！想知道更多韓國娛樂、飲食、玩樂、時尚資訊，快點去給like吧：https://www.facebook.com/hk01.kpop/