SE7EN前女友朴韓星自爆有BB？ 為拍《時尚媽媽》延至2018先結婚
撰文：沈洛嘉
出版：更新：
SE7EN前女友朴韓星今日宣佈做媽媽喇！曾經SE7EN同朴韓星呢對模範戀人令不少Kpop圈內外嘅朋友、粉絲都相當羨慕，兩人高中時期已經認識並開始交往，直至2009年公開戀情至2014年年初分手，才為這段總共歷時12年的愛情長跑畫下句號。之後,朴韓星曾經同演員鄭恩宇拍拖，據知因為太大壓力所以分手，後再遇到現任圈外老公，而SE7EN就同李多海拍緊拖，亦經超過1年添喇！
+8
朴韓星今日就喺個人Instagram寫低對主演韓劇《時尚媽媽》大結局嘅感想，再自爆自己已經係懷孕4個月嘅准媽媽，又講已經同老公完成咗結婚登記添！朴韓星寫下：「雖然角色是機械人而不是真的人，同時亦是我首次嘗試做媽媽嘅角色，很神奇地角色竟成為了現實！現在我是懷孕4個月的准媽媽！《時尚媽媽》真的當媽媽了！我已經跟心地善良嘅爸爸完成咗結婚登記，首先會以簡單嘅家族聚餐代替儀式，可以嘅話希望最快出年安靜舉行婚禮。」
據知朴韓星老公係同佢同齡嘅金融界人士，兩人曾喺6月傳過緋聞，但就冇公開回應，其後朴韓星仲喺朱相昱同車藝蓮嘅婚禮上接到花球！朴韓星同佢老公本來打算今年10月份結婚，但因為朴韓星要拍韓劇《時尚媽媽》而要延遲。其實朴韓星演出當時就已經懷有身孕，但為咗唔影響《時尚媽媽》先會有所隱瞞，希望朴韓星可以盡快做個靚靚新娘子啦！
下載《香港01》App，更多韓星靚相、影片率先睇！
iOS：http://bit.ly/hk01app-iOS-download
Android：http://bit.ly/hk01app-Android-download
我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/