【後生仔傾吓偈】坤哥PTGF點樣揀？ 自爆最愛白滑身材好
撰文：溫菁莉
出版：更新：
近年香港興起「出租男/女友」(即係ptgf同ptbf)，明碼實價向陌生人提供逛街、看戲、吃飯等陪伴服務，引起社會上有關道德價值觀的爭議。J2節目《後生仔傾吓偈》中一向討論時下最年青人最流行的話題，點少得呢個話題呢？ 麥明詩就話求學時當時最流行的話題係“援交”，她表示當時會諗，「我開始質疑現在好多時候性開放，有啲男仔女仔唔係in relationship，去一夜情尋求一時的歡愉，有啲人我去援交，用呢啲去換取金錢，咁其實點解我地咁judge，我唔係話無錯，我覺得要想下點解係錯，起碼你覺得你嘅貞操有嗰價值，但如果你周圍去去happy，咁咪仲低賤。」
其後主持6號就叫八位KOL各自撰寫一篇出租男友、女友「自介」(自我介紹)，吸引兩位客人麥明詩同坤哥光顧。KOL們都寫住「夾爆蒼蠅」、「最盡拖手」、「出街1000蚊」、「睇戲食飯2000蚊」，麥明詩仲用一把可愛嘅聲音讀出KOL的自我介紹，「希望可以吸引到監製留意到其表演，搵我拍到破格嘅表演，李佳芯都係咁爆紅出黎！」坤哥就話最愛「白滑同大波」，仲應一班KOL要求講，「我最鍾意大波妹！」最後二人睇到自己揀嘅KOL都話無揀錯，笑爆全場。
+2