Apink恩地《Untouchable》發布會有炸彈? Plan A:國際刑警介入


今天下午Apink成員鄭恩地、晉久、金成鈞同高俊熙出席喺首爾論峴洞某酒店內舉行嘅JTBC新劇《Untouchable》發布會。之不過,韓國警察卻接報稱現場發現爆炸裝置,因而正在調查當中。《Untouchable》將於本周五首播,Panda(Apink粉絲)以及一眾劇迷,想睇新劇不妨留意啊!
而鄭恩地是繼孫娜恩和樸初瓏之後,再次受到炸彈威脅嘅Apink成員,韓國警方接報後到場調查,並相信今次疑犯同自6月份起對Apink進行多次爆炸威脅是同一人所為。而Apink所屬經理人公司Plan A Entertainment表示:「該名疑犯目前居住在海外,正在向國際刑警方面申請協助拘留。」
Apink恩地今日亦在自己Instagram上傳一張黑色照片,並寫下:「雖然我唔知道你係邊個,但法律系知道你㗎。加拿大同韓國嘅法律可能有唔同,但你犯咗罪就算唔知你係邊個,但你一直喺度帶麻煩俾大家,希望可以儘快捉到呢個犯罪者!最後向每次都好辛苦嘅警察、今日嚟到耐心等待嘅記者,致以抱歉同多謝你哋。」雖然每次涉及Apink的炸彈威脅都只系「狼來了」,但無可否認對其他藝人、傳媒、粉絲,以及有關場地人士帶來恐慌和不便。加上歷時達5個多月嘅威脅,對Apink恩地、初瓏、娜恩、普美、夏榮、南珠6位成員來說,真的是嚴重的精神折磨,真心再一次希望韓國警方以及Plan A Entertainment可以正視同儘快解決問題。
下載《香港01》App,更多韓星靚相、影片率先睇!
iOS:http://bit.ly/hk01app-iOS-download
Android:http://bit.ly/hk01app-Android-download
我哋01韓迷嘅facebook專頁Kpop 01已經開咗喇!想知道更多韓國娛樂、飲食、玩樂、時尚資訊,快啲去畀like啦:https://www.facebook.com/hk01.kpop/