【183Club】明道撈得最掂　做女性護膚產品CEO搵大錢

曾經風靡一時嘅台灣組合183Club，雖然已經解散，但早前因內地綜藝節目《我們相愛吧》而再次合體，並演唱《王子變青蛙》主題曲《迷魂計》和插曲《真愛》，搞到唔少粉絲都話十分懷緬昔日的好時光。而日前，明道更透過微博分享同幾位成員嘅會照，到底係未合體有望呢？明道就話呢個係好難得嘅聚會，因為大家都有各有各忙。

其實當年成員祝釩剛遭解除合約之後，183Club聲勢已大不如前，最終於08年宣布解散。明道隨即轉戰內地，短短兩年間已站穩陣腳，並成立個人工作室，旗下藝人將近10名，而工作室出品嘅《勝女的代價》除為女主陳喬恩打開內地市場外，劇集收視更打破電視台的收視紀錄。

明道喺12年退伍後更即與孫儷、鄔君梅實力派合作《辣媽正傳》，之後開始做埋劇《如果我愛妳》嘅製作人，大大增強吸金力。與此同時，佢亦由護膚品牌的代言人，變為品牌嘅CEO之一，主力新產品研發，日前更在北京舉行一個演唱會級數嘅發佈會。

睇返183Club成員現況，因大麻事件退公司解約嘅祝釩剛，現已改名為張又天，並轉戰內地，靠綜藝及商演為生。而王少偉同黃玉榮則留守台灣拍劇，但成績一般，而顏行書退出娛樂圈後，再次重返球壇，09年曾加入CBA上海東方籃球俱樂部，繼而出任SBL富邦勇士隊主教練。整體來說，明道發展最為順利，不過身兼多職嘅佢，如果要為183Club「合體」，雖然有一定難度，但主角就話：「有考慮。」粉絲唯有再等等。