【NU'EST W襲港】唔行VIP通道勁親民　白虎不停提醒粉絲要小心

NU'EST W 四名成員JR（金鐘炫）、Ren（崔珉起）、Aron和白虎（姜東昊）今早經仁川機場出國，來香港出席今晚8點喺鑽石山荷里活廣場舉辦嘅記者會，香港L.O.Λ.E（NU'EST粉絲名稱）真係等咗好耐，聽日喺九展Star Hall舉行嘅《2017 NU'EST W SPECIAL CONCERT IN HONG KONG》。

而較早時間機場現場就約有半百L.O.Λ.E喺現場等候NU'EST W，下午約5點05分左右，NU'EST W無經VIP通道，反而從接機大堂A出口現身，一出嚟就跟L.O.Λ.E揮手打招呼。NU'EST W除咗JR無換衫以全黑現身之外，Ren、Aron同白虎可能就因為香港天氣太熱都有換衫，服裝同樣以深色為主。

NU'EST W一開始向停車場移動時，L.O.Λ.E就一直衝向偶像，移動期間就有L.O.Λ.E不慎倒地，情況頗為混亂，不過留意到此狀況嘅白虎就有回頭提醒L.O.Λ.E要小心不特止，更一路行一路講，又指示粉絲身後有行李車，要看着走。最後NU'EST W分為白虎、Ren一架車，JR、Aron一架車離開機場。