【降魔的】Naomi做緊六合彩小姐　演藝路十足《喜劇之王》尹天仇

《降魔的》今晚第15集，做多一星期就跟大家講再見，所以劇情也開始白熱化，進入最後直路階段。之前出場過的Naomi（吳珮如飾）跟莊芷若（黃智雯）有不少對手戲，她是愛丁堡醫院前護士，死後陰魂不散繼續留在醫院內，今晚她就會露出真面目，將芷若的靈魂禁錮，然後奪走她的肉身重生，是一個奸惡的角色。

不過大家未必知道這個反派的來歷，吳珮如(June)是2014年第27期無綫電視藝員訓練班出身，是部頭合約藝員，除了拍劇之外，還是TVB六合彩攪珠的主持人。June入行三年，一直以來都是演一些跑龍套的角色，在TVB這是常識吧，基本上浸你兩三年好彩好會有些配角做，時機未到的話唯有慢慢等。不過多年來都是可有可無的話其實都幾大心理壓力，基本上大部份演員都會經歷過這種情況，如何去調節成為演員的一大題目。在接受《香港01》訪問時，June說：「我認為一套劇集入面每一個角色，無論戲份多與少都同樣重要，只要係套劇發揮到應有既作用就可以。而我係想做一個好演員，自己好享受拍攝既過程，所有既演出機會我都好珍惜，亦會盡力去做。」做一個演員真是要很捱得！還記得在《喜劇之王》中，即使星爺如何被糟質，也因為導演未嗌cut而不敢亂動，這叫專業。

由一個跑龍套慢慢變成有一句對白，再變成有幾場戲，只要你有熱誠，監製總會留意到你的光芒，情況又跟《喜劇之王》一樣。戲中的周星馳對演戲有一份執著，同樣有一份熱愛，June情況也相似，她自小的志願就是成為一個表演者：「我由細到大都想成為一位歌手或演員，屋企人比較反對，但係佢地好錫我話希望我完成大學之後先去追夢，於是我係多倫多大學完成學位（經濟學）之後就返黎香港。原本係想參加超級巨聲，但係我嗰年無，就加入藝訓班。」至於家人為什麼反對，原來因為June身體抱恙，家人怕她辛苦，所以食素5年，加埋適量運動，由會手腳冰冷到現在身體健康，終於可以盡情享受工作。

星爺因為其專業精神，而令到莫文蔚大開眼界，直接捧他上位做男主角，你以為這只會出現在電影情節，其實不然。June沒有星爺那麼誇張，她在跑龍套開始捱起，到開始有一句對白，再因為《一屋老友記》而得到監製欣賞，所以在《降魔的》又再增加戲份，她說：「今次《降魔的》呢個角色係比較突出，會試多啲新野，吊威吔同埋化爛面妝都係第一次，因為監製方駿釗留意到我之前喺佢另一套劇《一屋老友記》嘅演出，所以我好感激佢俾呢個機會我，可以做多少少俾大家睇。在《一》入面，我個角色係歐陽震華個秘書，監製話覺得我既detail位做得唔錯。同歐陽震華合作好開心，佢會提點後輩，我獲益良多。」星爺到最後當然當上男主角，不過電影是人生的濃縮版，要成功付出時間是必須的，June憑著這種熱誠和專業，絕對可以在這條路走得更高更遠。