【蝕日風暴】拍內地網劇又靠父幹？ 梁靖琪：邊個屋企人唔幫仔女
撰文：溫菁莉
出版：更新：
臥底劇、警匪劇對於香港觀眾應該一點不陌生，反而內地電視劇就好少有呢種題材，由梁家樹監製與內地視頻網站合拍的的超級劇集《蝕日風暴》今午就在邵氏影城舉行發布會，劇中一眾演員包括張智霖、薛凱琪、王陽明、秦沛都有出席，身為監製的愛女梁靖琪（Toby）當然要參演一角，問到怕唔怕再次被外界批評靠父親先有劇拍？Toby直言，「有邊個屋企人唔會幫自己嘅仔女，自己入行13年都好想大家記得係我嘅演技，而唔係靠爸爸任何嘢。」
由於今次《蝕日風暴》與內地網站合作，外界都指有內地「科水」酬勞一向高，咁Toby對於今次酬勞又點睇呢？Toby笑言係好滿意，「當然係好滿足喇，知足就得㗎喇。」提到近年網劇的評價大部分都係讚多過彈，Toby都睇好呢嗰市場，「好多謝網劇嘅一切，令觀眾見返一班到好熟悉面孔的香港演員。」的確，其他角色真係熟口熟面，有梁健平、林嘉華、郭政鴻、許紹雄、麥長青及艾威等，Toby表示，「好多都係離開咗一個『大台』而去尋找一個出路，其實每個人都需要一個機會，唔好因為靠咩關係先有機會，係每個人都要等一個出路。」她笑言劇中的內地演員都十分好奇他們點解感情咁好，她向他們解釋因為大家都是「大台」出身。
講到好姊妹佘詩曼日前就係Instagram上載泳衣照，Toby就話一早已經睇過，被問到咁有無再靚啲嘅相時佢就話，「佢影咩都靚，唔需要特別揀。」而今個月底她亦會為英皇集團做慈善義賣，收集藝人的二手衣物以及全新的物件，捐俾一班有癌症的小朋友。
+4