【宋宋結婚】吳宇森送大禮？　宋仲基見到嚇一跳！

宋仲基、宋慧喬這對宋宋cp，上月底完婚後便前往西班牙度蜜月，預計明日就返回韓國，之後再去拜見身在大田嘅宋仲基父母。而今日又有一張宋宋婚禮當日嘅照片曝光！照片中宋仲基同宋慧喬十指緊扣，一人戴住一隻龍鳳鐲，甜笑望向鏡頭影相。

宋仲基、宋慧喬聽日就會結束西班牙度蜜月之旅返回韓國。（網上圖片）

有消息說，宋宋cp呢對龍鳳鐲係由香港著名導演吳宇森贈送的，因為宋慧喬早前曾經出演過由吳宇森執導嘅《太平輪》，並在韓國上映。所以吳宇森今次就送出龍鳳鐲，作為宋宋結婚的賀禮。據稱當時宋慧喬慎重咁打開紅色禮物盒，而宋仲基喺睇到禮物後更表現出嚇一跳嘅模樣，宋宋cp都十分可愛！

如果呢對龍鳳鐲真係由吳宇森導演送出嘅話，宋宋cp真係好有面子啊！（網上圖片）

更多宋宋cp圖片：

下載《香港01》App，更多韓星靚相、影片率先睇！

我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/