胡杏兒囝囝滿月曬新相 老公茅台宴客有寓意
撰文：洪曉璇
出版：更新：
屋企有新生命降臨係喜慶嘅事，傳統上都會擺滿月酒同親友分享喜悅，近年香港就流行擺百日宴，因為小朋友打多兩枝預防針，抵抗力高啲無咁容易病，亦唔會不停瞓覺，可以同親友影吓相留念。胡杏兒10月宣佈囝囝Brendan出世，呢日佢上載一張囝囝着西裝打煲呔嘅相，宣布囝囝滿月啦﹗
10月13號杏兒丈夫李乘德上載抱住囝囝嘅相，宣佈8磅重嘅囝囝Brendan已經出咗世，當時杏兒經理人表示兩母子已經返屋企休息。11月10號凌晨杏兒上載一張囝囝嘅獨照，寫上：「滿月當然要穿套西裝慶祝一下!」照片中Brendan着住短袖連身夾衣，白色底色加上灰色吊帶西褲造型，杏兒仲幫佢帶上紅白藍斜間煲呔，非常醒神。雖然用apps加上學士帽同太陽眼鏡，未能清楚見到Brendan嘅樣貌，不過佢對手仔一節節好似蓮藕一樣，面豬漲卜卜加埋嘟嘴，真係非常可愛﹗
胡杏兒囝囝樣貌曝光 老公李乘德好感恩：向全世界媽咪致敬胡杏兒升級新手媽媽製初乳 「無論幾辛苦也希望俾到BB飲」37歲胡杏兒順產誕下仔仔 英文名Brendan愛爾蘭代表王子【最勤力孕婦】胡杏兒即將卸貨 大肚靚相圖輯任睇
而Brendan爸爸Phil亦喺IG留言話：「Happy full month Son. Daddy and family are celebrating hard for you. Please be healthy, happy and a good boy」附上一張滿檯零食同美酒嘅照片，除咗有香檳仲有兩枝茅台酒。其實杏兒產前攪咗一次Baby Shower宣佈BB性別，當時Phil都係用茅台酒宴客，據知係寓意用好酒迎接新生命嘅意思。
+5