【韓國直擊】明洞潮流街拍 跟BLACKPINK同AOA穿咩最型？
當你以為韓國好凍？Sorry，你錯了！其實韓國就算得3度，感覺上都只係凍香港少少而已，所以大家不妨睇吓韓國宜家流行啲咩？下個月穿起來就可以追上韓國時下嘅潮流了！特別係Kpop明星更係潮流尖端，今次《HK01》記者單係在明洞街頭，就找到BLACKPINK、AOA影子的韓國型人進行街拍，等大家直接睇吓最貼地嘅韓國潮流。
攝影：特約記者
今年韓國最流行嘅元素絕對是「灰色」和「格仔」，所以在任何服裝店都一定會搵到「灰色」和「格仔」的穿搭。當然，韓國人近年都走在潮流尖端，引領亞洲時尚文化，因此不難在街上找到當地人以「灰色」和「格仔」去穿搭出不同的造型。
【灰色格仔西裝】
灰色格仔西裝褸絕對是今個冬天嘅must-have item，潮流又有Girl Crush的味道，配上不失女人味的爽朗短髮造型，打破一般對女生的印象，斯文得來不失型格。上圖的韓妹以同一格仔圖案的西裝褸加上西裝裙，上衣則以簡約嘅黑色去配搭，不會搶去「格仔」的目光。就連頂級女團BLACKPINK成員Jennie，都曾經以全身格仔打扮作為機場時尚，所以想行Girl Crush路線的朋友不妨參考啊！
今個秋冬必備item！ 《醫療船》河智苑、TWICE都穿灰色格仔
【灰色毛衣 + 皮裙】
西裝不是每個女生都可以carry到，因為Girl Crush同「男仔頭」只係一線之差！想有女人味又潮穿今季大熱的灰色就可以學吓相中韓妹的穿搭。灰色毛衣可以keep到女人味又hit到潮流，只要加上黑色皮裙就馬上型格起來，所以穿裙子一樣可以Girl Crush啊！下面有宣美（又譯：善美）、少女時代成員潤娥（又譯：允兒）等韓星示範，其實唔難carry㗎！
【首爾時裝周直擊】Apink初瓏N@VIXX加孝琳 韓團隊長撐YCH、YOOX
【格仔連身裙 + 啡色大褸】
唔想穿灰色咁陰沉，又想做潮人？不妨可以考慮「格仔」的圖案。韓妹一向鍾情於大地色系，又young又易carry，加上大褸一直都係韓國嘅長青款式，所以不妨考慮呢個穿搭。大地色系一定冇問題！先看看李炳憲老婆李珉廷，同女團AOA成員Yuna嘅示範，就知道點襯最靚！
【必備校園風】
T-shirt + 棒球褸 + 牛仔褲 = 韓國大學校園風！棒球褸係韓國大學不同學系都會有自己嘅「系褸」，就好似香港嘅Soc-Tee一樣，所以基本上每個大學生屋企都會有一件。加上棒球係韓國嘅國民運動，棒球褸因而成為大眾必備之選，穿上的話仲可以令你重拾校園風。
【長青牛仔褸】
如果大家只係想睇落潮少少，而唔打算追到潮流最尖端的話，牛仔款打扮就一定幫到你！牛仔款T恤、背心、花花、純色咩都得，只要出面係牛仔褸就可以遮掩入面的衣着，其他穿得幾hea都冇人知！
【簡約舒適風】
最後搵來一位韓國男士，不過同大家見開嘅oppa幾唔一樣，事關呢位oppa重視舒適度多啲！佢透過黑、白色去mix and match，並穿上多重衣服和飾物去提升層次感，令整體簡約得來不失潮味，睇落仲有少少日本街頭風！
我們01韓迷的facebook專頁Kpop 01已經開始喇！想知道更多韓國娛樂、飲食、玩樂、時尚資訊，快點去給like吧：https://www.facebook.com/hk01.kpop/