【SM萬聖節多圖】SHINee Key扮Simpson最搶鏡　太妍以為自己會第1

昨日SM TOWN就喺官方Instagram公開咗無數咁多張SM藝人嘅萬聖節扮裝相，其實SM過去幾年都有舉辦萬聖節Party。其中SHINee成員Key就最吸晴，幾乎可以話係每年嘅焦點！過往佢就已經有扮過小丑同埋麥當勞叔叔，今年Key再扮Simpson，簡直就係搶爆鏡！Key扮小丑同麥當勞叔叔嗰陣都係搽咗白色顏料喺面到，今次扮Simpson更加無限量付出，連面、胸口、手臂都搽上黃色顏料，認真落力！不過經過一晚時間，Key戴係頸上嘅紅色頸鏈都染到黃色顏料，就嚟變埋佢頸嘅一部份，而企係Key隔籬同佢合照嘅BoA同允浩嘅衫同樣都不能避免沾上黃色顏料！

【少女時代8變5】隊長太妍派定心丸　平安夜開演唱會陪SONE

少女時代成員太妍都有喺Instagram更新幾張自己扮Nemo嘅相，其中一張更係近距離影低自己嘅眼妝，仲寫低話「次次萬聖節都以為自己會拎第一」，「海鮮朋友們，我係食緊大蟹嘅Nemo」，太妍真係好可愛！

同場出席嘅SM TOWN藝人都唔少㗎，SM社長李秀滿就扮《鬼怪》入面嘅阿使、SHINee珉豪同鐘炫分別扮李小龍同恐龍、允兒@少女時代就係《這個殺手不太冷》嘅Mathilda、Sunny：《安娜貝爾》、NCT Dream：藍精靈、悠太@NCT：《死亡筆記》L、Suho@EXO就大玩自己個名，扮今年2018平昌冬季奧運會嘅吉祥物Soohorang，因為韓文都一樣係「수호」啊！燦烈就扮Ironman，佢個套裝好勁，面具識自動打開！而NCT嘅泰一同Red Velvet嘅YERI就撞咗機，一齊扮《美女與野獸》嘅貝兒，但始終泰一係男扮女裝嘅關係，點都會引起粉絲較大反應，大讚佢扮裝得好同埋好靚啊！

更多圖片

燦烈扮Ironman

我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/