【演員的誕生】劉燁被剪輯效果所累　獲觀眾還原真相

內地綜藝節目《演員的誕生》自開播以來，由於集章子怡、劉燁任評審，故不時都會成為熱搜。不過，近日就有唔少網民指劉燁表現唔認真，同章子怡即場對戲時，亦過於輕鬆，質疑聲音愈來愈多，甚至要求「趕快退出」。對於網民指斥，一名曾參與現場錄影的觀眾就率先為劉燁做平反。「我去過2次現場，很負責任地說劉燁現場表現跟剪輯出來的截然不同。」、「試想三個導師加張國立，如果要炒話題背鍋，從誰身上更好挖掘？」

對於該名網友的平反，劉燁好快亦都作出「畢竟是綜藝……」嘅回應，之後亦接連安慰其他粉絲，但言語間似乎對節目剪輯感到不滿，更用上「二逼節目」（特傻）、「特傻逼的情況就醬」等字眼，之後更截圖再發一條微博，並寫道：「估計沒幾個人在，秘刪，140字，很煩。」但隨後一拼將所有留言都刪去。劉燁話晒都係金馬影帝，而家因剪輯問題而被黑，唔少粉絲都大感心痛，更指出劉燁曾經話過自己屬於評論風格比較溫和，因為怕打擊別人自信心，所以就算遇上「你趕緊出去」嘅人，都會先考慮應該點講會比較好，可見其細心一面。