【學是學非】馮盈盈吹到成手口水：要盡力做實驗俾大家睇

《學是學非》一向受觀眾歡迎，除了長知識外，最吸引是幾位靚女主持，尤其是港姐冠軍馮盈盈（網民叫她FYY），她每集相當生鬼又夠放得開，好像昨日（5日）那集，FYY又爆發，在節目中和劉穎鏇一齊吹飲管，女星一做這個動作，網民就份外留意，當然這一招是TVB經常用的套路，尤其綜藝遊戲節目，大家應該記得獎門人的JJ（賈曉晨），不過這次TVB用得高明，用吹飲管解釋伯努利原理，如何將可樂變成噴霧，雖然畫面好詳細交代這個理論，更製作動畫解釋，但網民似乎更欣賞FYY的真人演繹，討論區貼滿她吹飲管cap圖。

可能這次吹飲管cap圖會老是常出現，但一向玩得的馮盈盈絕不介意，她說：「第一集都已要吹乒乓波啦，我哋都係跟返實驗需要去做啫，拍得《學是學非》 都唔會為顧形象而唔盡力做實驗證明，我地全力以赴做實驗俾大家睇，我嗰日吹飲管吹到有d頭暈，因為唔係次次都掌握好力度同角度，要不停反覆拍（吹到她成手都是自己的口水），其實今集都唔係我第一次係《學是學非》入面吹住做實驗。」馮盈盈及一班主持之所以深得網民鍾意，就是懂得答問題，尤其盈盈懂得這些「擦邊球」，每次答案都十分有趣味，又不失形象，一班上了位的小生花旦應該學下，不要每次訪問都打官腔。