有返睇新聞嘅理由喇　梁凱寧接陳嘉倩做節目講英文

前TVB新聞小花陳嘉倩不再為大家報新聞，未知一眾男Fans會否失去看新聞的意義，就連《睇新聞·講英文》都缺乏學新字的意義。面對嘉倩BB的離開，眼見她如今發展不錯，又做港台又上ViuTV，唯一可送上就是滿滿的祝福。不過舊嘅唔去，新嘅點會嚟？本來陳嘉倩在《睇新聞·講英文》主持的位置，就由25歲梁凱寧接棒，總算有返啲嘢睇！

25歲的梁凱寧，出身於香港浸會大學傳理系，實習時期已經在TVB。雖然她報導新聞時，衣著比較密實，但也掩不住她驕人的身材，一直廣泛被網民討論，就連她中學時與男友到海邊玩的比堅尼照，都被人起底放上網。梁凱寧中學時期的素顏Look，被指與現時的濃妝有很大分別，多次懷疑她整容，但久而久之，睇新聞的網民開始不太在意，還是留意著她完美的身材。所以近來播放的《睇新聞·講英文》，有網民就開始Cap梁凱寧的圖，作為留念。

梁凱寧其實不止樣靚，讀書都好叻。高考有2A成績，讀過的人都知唔易考得到。2A成績依然揀傳理系，就知她對新聞的熱誠有幾大，3年大學生涯，個個SEM GPA都過3，真係美貌與智慧並重！其實她畢業之後，都有到英國倫敦進修，修讀商業策略及國際關係研究課程，真係叻叻豬。梁凱寧由細到大學跳芭蕾舞，最鐘意就係玩Barbie公仔同瑪麗蓮夢露。