【降魔的】胡鴻鈞不怕被嘲變臉 情願經常被留意：起碼唔會無話題
撰文：林通賢
出版：更新：
講起胡鴻鈞，你會諗起咩？相信有好多人都會記得佢的百變臉，由version1.0已經去到8.0，簡直拍得住iphone！今日胡鴻鈞(Hubert)出席TVB劇集《誇世代》活動時，被記者問起「變臉」一事現在是version8.0時，他就馬上自抽話，「而家10喇！」認真豁達！
+1
點解Hubert會話自己係version 10.0呢，原因原來係因為網絡KOL kingjer ，「嗰陣kingjer ig開post之前話想買Iphonex ，就用左我個樣。點講呢？我覺得而家反而係開心，因為呢樣嘢係令大家繼續關注我。」的確，每次胡鴻鈞一出來，大家都不期然想起他的外貌，「坦白講，呢嗰行業所有嘢都好快。好似好多嘢都係一刹那就無咗，但係呢樣嘢可以由我一出道維持講落去，我真係覺得幾好，起碼啲人唔會我好悶同無話題。」Hubert笑言完全唔介意外界對佢外貌的批評，「最好有13，14就最好，代表啲人係繼續係留意我。」
咁唔知胡鴻鈞平時有咩瘦面方法呢？他表示自己好反彈，「而家無喇，其實好反彈，有啲朋友就話瘦左有啲又話肥左。我無點刻意做運動，運動有keep住有做，但嗰運動量無即刻大增大減，食嘢又無特別，我嗰人嗰啲好容易浮腫。」咁會唔會好介意外界稱呼佢為「刀削麵」呢？Hubert苦笑地說，「都講左好耐喇，我自己已經無咩感覺，都係嗰句喇，做我地呢行最想有人留意，無論咩話題都好。」
提到之前有報導指胡鴻鈞是「被安排」拍劇，其實最大願望是可以繼續唱歌，對於呢件事，佢就有咁嘅睇法，「咁講喇，因為我始終係歌唱比賽出身，到呢一刻唱歌都係我最大抱負。亦都好坦白講，之前開始拍劇好似《殭》咁，慢慢俾我接觸多了原來都幾好玩，俾我一開始未拍嗰陣概念係唔同咗，學到好多唱歌以外嘅嘢，如果有機會都希望可以兩個同時發展。」