佬味濃關智斌挑戰師弟陳偉霆　身價3000萬有幾層樓揸手

命運這回事真的很難預料，想當年大家都不知道陳偉霆是誰，只記得他好像開taxi維生，早幾年北上到內地搵食，如今撈得風山水起，片酬以億計，名符其實住洋樓、養番狗。同時都引申出一個真理，有時候往內地搵人仔，反而更有驚喜，在香港的一蹶不振，都被內地擁有的人氣一掃而空。除了陳偉霆，另一個真實個案就有36歲的關智斌。

關智斌與陳偉霆的關係，除了曾經做過Boy'z成員之外，大家都經歷過低潮，只不過後者遭到網民一沉百踩，前者則試過兩年都冇收入，後來兩人都選擇北上發展。Kenny 早幾年就孤身上路，希望在內地能殺出一條血路。起初他在內地是nothing，試過住環境惡劣的賓館，又要由低做起，以往有「小斌女」之稱的他，初到貴境就連強姦犯都要做。不過皇天不負有心人，後來他有機會拍《追魚傳奇》做男一，結果一撃即中，在內地人氣急升，雖然氣勢未有陳偉霆咁勁，身價亦沒有過億，不過現在他拍一部劇都穩賺3000萬。久而久之，關智斌將錢轉化成磚頭，有傳他在香港手揸至少兩層樓，在北京、橫店，甚至在加拿大都有置業，今時不同往日了。而他在內地爆紅的同時，一洗過往陰柔形象，為健康而操肌，操下操下佬味都出晒嚟！早幾日Kenny還去日本，邊旅行邊寫真，大叔造型而家反而仲剎食，仲邊有人記得「小斌女」！所以話，現時出產的香港明星，是為了成為他日的內地紅人呀！