【爸爸去哪兒】應采兒當眾錫陳小春　Jasper呷醋出手搶人

有一種愛情，叫陳小春應采兒，從前火爆嘅小春遇上大情大性嘅應采兒之後，已經由山雞變成溫馴小綿羊。小春曾經講過：「我每天起床都要看見我老婆，還有我兒子，不然我會不開心的。」最近小春帶住Jasper參與《爸爸去哪兒5》，被可愛嘅囝囝搶盡風頭，新一集應采兒現身客串，又餵小春食飯又不停錫錫，搞到睇足全程嘅Jasper都呷醋呀。

性格開朗、大情大性嘅應采兒，同一臉寵溺嘅陳小春，一向係眾人艷羨嘅明星夫婦，而隨住《爸爸去哪兒》節目的曝光，更能感受到陳小春夫婦一家溫馨氛圍。新一集中小春同叮叮著上粉紅色同紅色上衣，一睇已經襯到絕。應采兒為老公同囝囝送上愛心早餐，然後就攬住變連體嬰。食物凍曬啦，不如食咗先啦……

一對恩愛夫妻又點止攬攬，除咗連體嬰之外佢地仲化身啄木鳥，一kiss，再kiss，Jasper企喺應采兒身邊呆呆望住似乎呷晒醋，原本一隻手靠喺媽媽身上，眼見媽媽仲未錫夠似乎無打算理自己，目光一直望住爸爸，Jasper索性成個人緊抱住媽媽大腿，就好似話「你兩個錫夠捨得理下我未呀？」，網友不禁笑言小Jasper應該呷醋了，「求Jasper心裏陰影面積」。