【宋宋CP結婚】宋仲基宋慧喬婚戒曝光 長袖緞面拖尾婚紗好清雅
本年度最受觸目嘅婚禮，非宋仲基宋慧喬世紀婚禮莫屬﹗10月31日佢地喺韓國迎賓館舉行婚禮。近年韓系婚紗盛行，LACE魚尾貼身剪裁係大部分新娘嘅心水之選，唔少人都密切留意宋慧喬大婚揀選嘅THE ONE，呢日亦正式揭盅 --- 來自DIOR緞面長袖婚紗，中分簡約髮髻加上閃石耳環，古典味濃。配飾同花球亦配合雙宋戶外婚禮，簡約而有氣質。
宋慧喬嘅婚紗以緞面挺身設計，中長袖高腰線令整個人比例拉長，胸口設計遠睇似TUBE DRESS，但實際上同DIOR秋冬高級訂製系列雷同，配以約1.5米長拖尾，華麗而高貴。喬妹以一慣清淡亮麗妝容明艷照人，配飾方面只戴上閃石耳環，未有戴頸鍊。
婚禮上新娘除左撓住老公，對手最常掂住嘅就係花球，喬妹就揀咗一個小清新感覺嘅綠白色鈴蘭花花球，呢個SIZE喺香港應該係俾伴娘或花女拎住，不過放喺雙宋呢個草地婚禮，又意外地非常匹配。據知係喬妹造型師好友幫忙準備，花語係「一定要幸福」，不過由於鈴蘭花喺韓國屬特殊花材，要從外國進口，加上它又只是在5月才有的短暫花期，10月要買到靚嘅鈴蘭花絕對不易。而據韓媒報導指出，宋慧喬這回所拿的鈴蘭花捧花價格驚人，至少要100萬韓圜，折合港幣大約7,000元。
頭紗方面捨棄壓場感重嘅拖尾長頭紗，喬妹揀咗一條ELBOW LENGTH中短款式，頭紗去到手肘既位置，未有LACE或珍珠，比較甜美夢幻，非常適合宋宋嘅戶外婚禮。不過香港婚禮常見嘅揭頭紗儀式佢地就欠奉啦，因為一對人係撓住手進場，而喬妹嘅頭紗係一直插喺頭上，所以並無揭頭紗儀式。從章子怡上載同一對新人嘅合照可以睇到，喬妹左手嘅婚戒係簡約一圈碎石款式，來自法國Chaumet出品，旗下的Bee My Love系列，系列以蜂巢的六角形為主，採用18k白金鑲鑽款式，價錢大約$31,500，同佢地簡單低調性格好合襯。