【雷蛇上市】打機識用梗係用Razer　Angelababy霆鋒都要拎嚟打卡

今日最大件事，莫過是美國遊戲電腦品牌「Razer」在香港上市。電腦品牌上市不是甚麼新鮮事，但Razer卻令很多股民趨之若鶩。除了因為近期電競業蓬勃，股民睇中長遠發展會有潛力，作為全香港首隻電競股，預計都會試下揸手。第二個原因，就是Razer香港首富李嘉誠投資注資，還有不少世界各地的猛龍投資，有半導體公司Intel、新加坡主權基金淡馬錫等，初步估計價值156億！真係大把水喉。

雖然係金融界嘅事，但同時都關藝人事。Razer有名大家叫，係「電競界Apple」，所推出的產品都受專業電競業人士吹捧，其電腦系列據知好似平時抽iPhone咁，有可能抽極都抽唔到。近年有不少藝人都醉心電競同打機，就好似打足Warcraft（魔獸世界）十幾年的霆鋒，得到一套Razer產品，就好似抽到iPhone咁，要擺上網公諸同好，更要chok用砧板做mousepad，集有型與住家形象於一身，如今Razer上市，用佢嘅電腦係會High Class啲。

除此之外，女藝人都唔輸蝕。就好似Angelababy之前就被老公黃曉明爆料，話佢愛打機如命，最喜歡就是玩Hit爆RPG遊戲「英雄聯盟」（LOL），講到打戰略Game，最需要就是流暢度，所以Razer都是Angelabay的選擇。遇著Razer上市，Angelababy素顏都要同部電腦合照，預祝上市成功，到底有幾鍾意打機先會咁做？隨住Razer上市，唔知會唔會越來越多藝人當佢係iPhone咁，打機都要必備？