【BTS防彈少年團】V變白雪公主食毒果暈低　Jimin施暴打V PatPat

10月31日除咗係宋仲基宋慧喬宋宋大婚之外，仲係萬聖節添！尋日防彈少年團（BTS）就公開咗佢哋特別為萬聖節變裝而拍嘅《Go Go》氹Army（防彈少年團粉絲名稱）！ 而Jin、Suga、J-hope、Rap Monster、Jimin、V同柾國7個大男孩分別打扮成6個小矮人同白雪公主。

至於點解決定由V做白雪公主呢？其實好簡單，係開始拍攝萬聖節版《Go Go》之前，防彈少年團就決定要以「包剪揼」定出由邊個嚟做白雪公主。去到最後得返Jin同V兩個分勝負嘅個陣，Rap Monster突然就話自己曾經係夢入面見過呢個場面，仲預言話係V輸咗要做白雪公主，最後Rap Monster夢境兼預言都成真！V係輸咗比Jin嘅…不過防彈少年團入面邊個做白雪公主都好，相信Army都一樣睇得咁開心。

【BTS防彈少年團】Halloween前闖喪屍樂園　Jimin狂叫J-Hope甩鞋

V除咗要著白雪公主裝之外，仲要全程拎住個蘋果跳《Go Go》，跳完仲要食啖蘋果扮暈低。呢個時候Jin、Suga、Rap Monster、Jimin同柾國都有扮下傷心同喊先嘅，之後Jimin同柾國又扮想叫醒V，其實對佢「施暴」拍打佢patpat。而J-Hope就拎住枝射紙幣嘅槍出嚟慶祝，場面相當搞笑！如果防彈少年團可以拍多啲同類型短片比Army睇下就好喇！

【MAMA】BTS防彈少年團確定出席香港場　I.O.I再度重現Pick Me

更多防彈少年團圖片

防彈少年團 - 《Go Go》萬聖節版

我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/