林峯新劇《獨步天下》首次剷光頭 造型超似《那年花開》何潤東
撰文：黃朗鈞
出版：更新：
《使徒行者2》今個星期進入結局篇，當大家仲估緊邊個係臥底和黑警時，覺唔覺得今季的臥底袁偉豪、周柏豪和黃翠如的魅力始終唔及第一季的林峯與佘詩曼呢？不過林峯早就離巢，想睇返只有靠重溫，假如舊劇滿足唔到你，不如睇下林峯的新劇喇，近年主力在大陸發展拍劇的佢，月尾就有新劇《獨步天下》，但一睇就發現林峯的新造型愈來愈似何潤東，唔知係唔係因為剷光頭的關係呢？
《獨步天下》改編自同名小說，與《步步驚心》、《夢迴大清》並稱為「清穿」小說的三座大山，風靡一時，內容講述女主角步悠然（唐藝昕飾演）穿越到清潮，進入了努爾哈赤時代，靈魂依附在女真第一美女東哥的身上，皇太極（林峯飾）為了娶她成妻，不惜引起家族爭鬥也要將她拿到手。這劇在現時玄幻片當道的環境中，偶然回味一下穿越題材，可能會有另一番風味。不過最近劇照一出，有眼利的網民就發現林峯的造型與《那年花開月正圓》的何潤東非常相似，唔知係咪因為削光頭的影響，二人似到孖生兄弟咁，連表情眼神氣場都一樣。
+13
其實林峯過往拍古裝劇都冇削光頭，好似《六扇門》、《陸小鳳與花滿樓》和《衛子夫》等的古裝片，林峯都係留長髮演戲，惟獨係今次《獨步天下》林峯第一次以光頭造型示人，佢希望在三十而立之齡，可以在演藝生涯有所突破。