【宋仲基宋慧喬結婚】Dispatch記者親身爆料 宋宋cp幾時拍拖?

撰文:沈洛嘉
出版:更新:
仲有6日就係宋仲基同宋慧喬,呢對宋宋CP大婚之日,兩人憑住紅透半邊天嘅神劇《太陽的後裔》結緣,將於10月31日喺韓國新羅酒店拉埋天窗。而當初韓國最大型爆料媒體Dispatch首度公開宋仲基同宋慧喬喺東京旅行嘅照片時,從照片可見兩人雖然穿着厚衫、打扮低調,但相處自然,互動之間已見非常甜蜜。
圖片提供:Viu《K1頭條》

而今晚開始,負責追訪宋宋cp的Dispatch記者樸惠真(박혜진),就會在Viu《K1頭條》一連四晚,講述Dispatch由幾時開始懷疑宋仲基同宋慧喬拍拖、系咪有線索證明宋宋cp戀愛中、拍攝時有咩困難同埋點解無即時公開密會照片等。樸惠真先爆喺舊年年尾嗰時已經聽講宋仲基同宋慧喬行得好埋,而且喺《太陽的後裔》完咗之後,兩人都有繼續見面。不過嗰時兩人成日同埋同事一齊見面,所以要確認「兩人正在交往」並唔容易,花嘅時間亦都比較多。而一向有睇開Dispatch嘅韓迷都知道,Dispatch習慣唔會喺影到明星戀人後,第一時間公開照片,因為佢哋會先慢慢觀察,判斷報導系唔系啱嘅決定先正式公開。
宋仲基與宋慧喬東京密會照片:
+4
我哋01韓迷嘅facebook專頁Kpop 01已經開咗喇!想知道更多韓國娛樂、飲食、玩樂、時尚資訊,快啲去畀like啦:https://www.facebook.com/hk01.kpop/