觀眾要求崔始源從《卞赫的愛情》下車　缺席今明兩日本粉絲見面會

2個月前崔始源聯同東方神起成員最強昌珉Max同一日退伍，而始源亦正式成為Super Junior新一代忙內。始源退伍後即聯同姜素拉同孔明攜手投入拍攝tvN電視劇《卞赫的愛情》。而一向鮮有負面新聞嘅始源早前就因愛犬Bugsy咬傷鄰居，韓國知名餐廳「韓一館」嘅代表金某（53歲），導致佢因敗血病而死亡一事，鬧得沸沸騰騰。

雖然死者一家都已經決定原諒始源，亦表示不會追究。不過一眾《卞赫的愛情》嘅觀眾就唔係咁睇，佢地仲喺《卞赫的愛情》嘅官方留言板上大呼「唔該換走男主角」、「下車先係正確嘅做法」、「一係你就下車，一係你就幫隻狗安樂死」同「睇到你個樣就想嘔」等等。不過到目前為止，劇組以及始源本人就仲未有消息話會換人或者下車。

【Super Junior】崔始源愛犬咬人CCTV爆光　獲死者家人原諒免入獄

但回歸在即嘅Super Junior今明兩日都會喺日本橫濱Arena舉行《E.L.F-JAPAN FESTIVAL 2017~SUPER SPORTS DAY~》，不過今早始源就透過日本官網表明無法參加本次Fans Meeting，對於期待着今次活動嘅ELF（Super Junior粉絲名稱）造成損失深感抱歉，亦請求大家給以諒解。

始源與愛犬Bugsy

我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/