謝霆鋒打機都要喺廚房　砧板當mouse pad係咩玩法？

一直都走在潮流最尖端的謝霆鋒，雖然不會「語不驚人誓不休」，但他的行徑絕對讓大家有驚喜。繼之前用衣架掛意粉、用腳趾尾熄機之外，今次賣廣告都賣得特別過人。男仔愛打機並不出奇，但玩一隻game玩足十幾年就令人好奇。曾經風靡一時的RPG網上遊戲《魔獸世界》，由2005年推出到現在，依然有一眾粉絲還有在玩，原來霆鋒都不例外，他在Facebook上載一系列照片，熱愛打機的他，原意想宣傳一下他所使用的遊戲專用電腦，就被網民唔覺意見到他還有玩《魔獸世界》，估唔到霆鋒原來咁長情，而家都仲有玩。

更重要的是，霆鋒在廚房打機，以砧板當作是mouse pad用，好有生活態度。他在留言說道：「One more function I will need is for you to turn the notebook into a chopping board!」直頭想電腦植入在砧板裡面用！字裡行間都感受到他對烹飪的熱愛，所以網民留言叫霆鋒直接拎部電腦當砧板，好似仲快啲。這麼獨特的宣傳手法，真係吸引了不少同樣愛打機的網民注意。