【反黑】陳國坤北上講嚇Hello就賺錢 一年有一半時間休息
周星馳近年雖退居幕後，但昔日與他合作過的「御用配角」，卻在國內發展得順風順水。陳國坤自《少林足球》、《功夫》後，被不少國內製作人所認識，08年更擔正中央台的《李小龍傳》。到國內掘金不外乎登台、商演、拍劇拍戲，但陳國坤卻是「say個Hi就可以揾到食」，完全系神級荀工。
因樣貌似足李小龍，令陳國坤非常輕易得到了《李小龍傳奇》一角，完全沒有爭崩頭的過程。「大陸競爭真繫好大，佢哋狠心勁過香港人，一個女仔為爭取角色，可能唔止同導演上牀，連副導、助手都系目標，做到滴水不漏。」雖說大陸比香港更難生存，但有些人總是幸運的，就好似當初《李小龍傳奇》的導演一見陳國坤，二話不說叫他馬上開工，但他卻左推右推，直到製作人李香凝親自出馬，得到了星爺的批准，他才接拍。「周生話咁你拍啦，唔好失禮龍哥就得。」
賺錢好慘
該劇創下了中央台近10年來最高收視紀錄，令他迎來了事業上的高峰。「果幾年最有市場價值，出嚟一句Hello、我愛你們然後拜拜就走得，再唔系就簽雙截棍丟給他們就可以，我09年完全無拍過任何作品，淨系Hello。」他說時配以打招呼的動作，連自己也忍不住狂笑。賺錢何其容易，但陳國坤說其實連Hello也不願意，原因是超討厭大陸的工作環境同氣氛。「大陸啲嘢好參差不齊，點解我而家咁堅持要做監製？就係因為試過在大陸拍劇時，他們為了讓我看起來不像李小龍，把我搞到不倫不類，好多次都因為對自己造型唔滿意，埋到位無心機，完全唔享受拍攝樂趣。」
次次同導演嘈
除了工作環境之外，遇過不少工作態度欠佳的對手、導演也令陳國坤嬲到想殺人。「頭幾年繫好唔慣，真系想殺死佢哋，成日都同導演嘈，試過嬲到一嗌cut我直接就上的士走人，助手都唔理。」在認識老婆黃伊汶之前，陳國坤一年有一半時間都在玩、休息，暑期更加不用旨意他到國內開工，現在回想起來，其實超幼稚。「後來識咗老婆就好啲，一來要賺錢二來佢會同我分析，同埋對耐咗識招架。」
想有啲嘢代表
《反黑》的成功，令陳國坤更確信接下來要往監製的路線走，一來不想再被搞到不倫不類，二來可以令自己更投入角色當中。「好想別人一提起陳國坤就會知道佢系乜，慢慢建立一啲化表到自己嘅嘢。」不過，首要條件是儘可能在香港發生。曾經可以離港兩三個月也不回來，現在拍攝合約寫明3個星期就要走一走，為嘅當然系兒子陳真。「佢出世之後，日日都學習中，以前佢丟東西，我哋會no，而家由佢，爛咗就無。他其實是我很多缺點的放大，所以這也令我成長很多，一啲壞習慣亦一下子都改掉了。」陳國坤從未幻想過今時今日所擁有的一切，更笑言一直以為自己會與宋本中浪跡天涯然後在片場死……
髮型︰Tim Chan化妝︰Yannes lee @ ndnco.co