潮流教主余文樂英文都會出事？究竟佢想講smile good定smell good
撰文：黃梓恒
出版：更新：
余文樂成為潮流達人之後，視野亦都面向國際，除了在中國的電影頒獎禮《第五屆十大華語電影表彰典禮》掃三獎成大贏家，前排亦現身深圳觀賞NBA賽事，自己品牌Madness在北京也有自己的專門店，可謂面面開花處處精彩。咦，但點解全部都係中國地方嘅？無他嘅，始終佢都未紅到出海外，唔似佢死敵陳冠希咁已經喺外國紮根咁耐，情況係會有啲唔同嘅。
+5
不過唔知係咪長期接觸中國嘅粉絲，你睇佢Instagram留言嘅大部分都係操簡體字嘅同胞，所以可能好耐都無用過英文喇，點解會咁講？話說樂仔昨日就在自己的Instagram story上放咗一段香薰的影片，之後就寫住：「Smile good」，有不少網民就質疑樂仔打錯字，應該係smell good，意即味道好好，而唔係樂仔所謂嘅微笑好。
不過亦有網民為樂仔解釋，其中一位說：「好多人唔識burning rose點解，法國人最講浪漫，幾年前去聽當地人講，男方激嬲女方，好多時都會燒玫瑰，代表想對方smile good again。」雖然記者翻查資料後並未找到這段故事的出處，不過無論如何，樂仔究竟係故意定還是無心之失，都已經引來一班人的注意，達成效果喇！