【使徒行者2】大結局陳豪有型冇上限　可能係最型大叔接班人

對於觀眾來說，睇《使徒行者2》有無驚喜？算是可有可無。因為有些非TVB進度的網民，早就看完30集，在網上跟大家暢所欲言、你問我答。所謂好戲在後頭，第30集真是頗多看點，之前就有講過第30集如何鋪排第3輯的伏線，今次就要講下來到最後一集，主角都不禁要開大絕，出使讓人大開眼界的絕招。都係嗰句，唔想睇劇透，請係調頭走。

＞逃生門在此，現在還有機會逃出去＜

話說陳豪心愛的女人宣萱被泰臣捉走，當然要去英雄救美，但去到發現自己要孤軍作戰，泰臣一支槍就指住愛人太陽穴，千鈞一髮都要勉強鎮定。可惜低處未算低，手下楊潮凱為求保命，火速轉投泰臣旗下，聯合對付陳豪。

不過做得黑幫老大，心臟要夠強，所以他一直淡淡定定，施施然說了句：「你覺得我舉槍快手啲，定你快手啲？」說時遲那時快，陳豪開始爆seed，用一把槍以順時針掃射敵人，1個打8個，差一點勁過葉問。網民睇見，不禁問一句：「真係好黐線。佢真係好似打機咁。」讓人目定口呆。

陳豪身處弱勢，一支公一把槍點會冇漏洞？如果要找碴，就是陳豪轉身一瞬間，他背後敵人有足夠時間開槍，又或者直接殺死宣萱，極速close file…但slow motion嘅嘢，你睇5秒其實只是過了0.01秒，電光火石之間嘛，怕你睇唔切，唯有如此囉！好似係。可惜救到美人又點，最後都難逃一死。只能夠安慰自己，陳豪被槍殺都咁有型，繼三哥之後，算是又一個大叔接班人，叔控必睇。