【後生仔傾吓偈】麥明詩重現夜蒲必著「嘟嘟裙」：條裙見到事業線
撰文：溫菁莉
出版：更新：
後生仔除了要努力讀書之外，當然要揾一些活動調劑一下喇。昨晚TVB清談節目《後生仔傾吓偈》中一眾主持包括麥明詩及馮盈盈，陸浩明以及一班KOL講下首次到酒吧「見識」的經歷。而麥明詩仲著埋當年嘅「特級戰衣」到場，原來背後都有段故，「當時我係英國讀大學，就同一班朋友去蒲，後來我男朋友就同我講返話第一眼鍾意我就係我著呢條裙。本身都無點留意我，因為我當時其貌不揚同埋唔太打扮，到嗰晚好似眼前一亮。」
+6
麥明詩仲話為了節目特別係衣櫃底揾返出黎，「今次係最後一次著，著呢條裙一定要配高跟鞋，行樓梯搖搖欲墜咁就可以有男仔扶下你。」她亦講到條裙特別之處是，「平時嘅tubedress嘅design可能好平坦 ，但呢條見到事業線同時突顯條腰線。」但最爆笑嘅一定係陸浩明話馮盈盈一見到麥明詩著呢條裙即刻講咗嗰形容詞，但呢嗰字係唔播得出街，貼士就係，「提升男士交流裙。」。馮盈盈就解釋話，「唔係我獨創嘅，係非常流行嘅形容詞，叫（嘟嘟裙），大家自己去揣摩一下。」
反而馮盈盈就著一條相對密實嘅閃閃珠片裙，只輕微露出少少事業線，馮盈盈就解釋話，「因為夜店的環境比較昏暗，無太多燈光，如果著比較含蓄嘅就真係無嘢睇喇。所以揀條珠片裙，但如果有燈打落黎，都會閃啲 sharp啲。」她之後仲話年輕人頭幾次去蒲都未掌握到服裝要求，所以乜都放上身。但最後麥明詩就總結話同一班KOL有代溝，原來係因為，「我同盈盈嘅打扮太over，而家係流行比較causal，普通t-shirt牛仔褲，顯得我地太過渴求咁。」
+10