【使徒行者2】30歲糖妹扮女僕毫無違和感 可惜做警察有Bug！
撰文：李妍樺
出版：更新：
大台重頭劇《使徒行者2》日前講到三哥（苗僑偉）因為用摩斯密碼同人通水，畀宣萱發現原來係卧底，最尾就叫三哥執包袱走，事敗之後就返咗警隊繼續做刑事情報科嘅高級督察。三哥返到嚟就即刻搵啲離咗職嘅警員傾吓計，第一個就搵糖妹（黃山怡），睇一睇個CV，寫佢1987年出世，咦，竟然同糖妹真實年份一樣，又幾有Heart喎TVB！
鏡頭一轉，原來糖妹冇做警察之後去咗女僕Café做侍應，雖然今年已經30歲，但可能細細粒粒，Keep得幾好，睇落似廿歲靚妹咁，氹得幾個宅男暈晒浪，糖妹真係可以話係樂壇嘅不老傳說，生得細粒都幾著數。
但等等先，糖妹係套劇入面做警察喎，大家有冇覺得有啲唔妥？唔係話佢生得個樣太細個唔做得，係佢太細粒，上網check check，傳媒一直報佢係得4呎8吋，計返即係得145cm，亦有其他網站報佢係有149cm，但再上警署招募個網睇，女仔考警察身高最少要有152cm，有Bug喎！
+15
糖妹今日到電台宣傳新歌時，咁啱就到佢生日（16/10），大家都同佢預祝，原來今年佢剛入三十大關，Dry咗3年，糖妹都好恨快啲結婚生仔，我唔認係30歲，只係18歲，冇計過單身咗幾多年，都希望一擊即中，搵老公、生仔一次過！」糖妹話自己個圈仔好細，好難識到男仔，次次同姊妹食飯都人介紹男仔畀佢，睇嚟真係恨拍拖恨到出面咁：「你估我唔想拍拖？如果有嘅話一定會大事宣傳我有男朋友！」