鹿晗認戀關曉彤　汪峰竟然變最大苦主？

鹿晗高調認愛，全日佔據微博熱榜，鋪天蓋地嘅新聞，連帶同日宣佈自己出碟嘅汪峰都無乜人理，認真慘情。汪峰昨日於微博以長文談及創作心境：「我決定2017這張全新專輯我要負責全部編曲制作」，與此同時，鹿晗只係用上19粒字，就已經引起極大迴響。
 

又再回一回帶，汪峰2013年宣布離婚時，王菲、李亞鵬同日宣布離婚，同年11年汪峰出新歌，又剛好遇上王力宏閃婚，而12月出碟時，又剛好發生Paul Walker車禍離世，一次又一次被忽略，難怪連網民都表示十分同情，更留言安慰汪峰「您怎麽又趕上這種時候」、「熱門又沒了」、「對不起，鹿晗和關曉彤阻礙到你了」、「你發這條微博有沒有卡死」。

至於另一位「苦主」，就係最近因《使徒行者2》而大受國內觀眾喜愛嘅周柏豪，尋晚，周柏豪喺微博話自己電話好似壞咗，因為佢全日收到過千過「大家好，给大家介绍一下，这是我的男朋友 @周柏豪Pakho ​」嘅發表。經過粉絲細心講解之後，周柏豪終於得到真相，但亦同時得到更多「这是我的男朋友 @周柏豪Pakho」的回應，真係無辜同害人呀！