金牌監製李添勝榮休　見老友笑淚交織

金牌監製李添勝(添哥)效力無綫48 年，昨晚在尖沙嘴筵開22席舉行榮休晚宴；曾與添哥合作的雯女(鄧萃雯)、惠英紅、陳展鵬、陳錦鴻、黎諾懿、陳山聰、艾威，以及久未露面的陳少霞亦有現身，添哥見到一班老朋友及新舊同事，既開心又感動，他眼濕濕說：「離開一定不捨得，但人始終要退下，因為體能出咗問題，膝頭哥痛，尾龍骨亦有一節走位，站得久會腳痺，是時候陪多些太太，囡囡又話帶我去歐洲旅行，退休後會在屋企種菜、湊孫及去游水做運動，相信日子不會難過。」

經典作品無數的李添勝表示滿意的作品包括《火鳳凰》、《楚漢驕雄》、《鐵血保鏢》、《網中人》；而近日再看重播的《鹿鼎記》感覺很得意，他說：「再拍都找不到兩個演員，而且背後陣容都厲害，當時人才鼎盛。」添哥又謂今晚沒特別邀請誰，那個想來就來，退休是小事一則。

至於合作過演員中，李添勝表示周潤發及鄭裕玲印象最深，他說：「出色演員真的不多。（會唔會約周潤發行山？）我都知他鍾意行山，自己都會hea吓，呢幾十年都未hea過。」