李昇基揸槍為軍事雜誌拍寫真 10月31日退伍做第二個宋仲基？
撰文：鄧樂宜
出版：更新：
李昇基就嚟退伍喇！李昇基自從上年2月入伍，被分配咗去陸軍特種部隊，粉絲等了差不多兩年，oppa下個月就會退伍，回到大家身邊喇！係咪好掛住呢？最近韓國國防部嘅兵營專門雜誌《HIM》就搵咗李昇基拍寫真，等粉絲率先見到李昇基嘅成長！
更多李昇基圖片：
相中嘅李昇基手拿長槍，身穿迷彩軍裝，眼神好銳利好man，比入伍之前又成熟咗！不過另一張寫真中，李昇基拎住《HIM》雜誌，對鏡頭露出可愛笑容，又好有暖男嘅感覺！李昇基預計會喺10月31日退伍，粉絲都期待已久了吧？其實一早就有電視劇同綜藝節目向李昇基發出邀請，睇嚟退伍之後李昇基都有排忙呀！甚至有韓國傳媒報道，話期待李昇基會變成第二個宋仲基，退伍之後事業再起飛！
我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/