余文樂現身NBA頭排觀賽　女友王棠云貼到實原來係籃球世家

余文樂英文名叫Shawn，不過大部分網友會以「Fisherman Lok」稱呼樂仔，因為有個都市傳說，話「樂仔受中國籃球皇帝易建聯教導，曾經喺NBA做職業球員，是球星高比拜仁隊友，並曾跟籃球之神米高佐敦同場比賽。」而日前樂仔真係同易建聯現身NBA比賽……做觀眾，仲首次同女友王棠云（Sarah）公開現身！被大會攝影機影住喺大電視呢一幕，真係有啲似婚禮不停LOOP嘅婚紗相呀。

好多男士最怕同另一半睇波，怕一路睇一路問「點解嘅點解嘅」，不過Sarah絕對唔會咁做，事關佢爸爸王東生，除咗係全球最大皮帶廠亞美集團總裁，仲做過台灣男子籃球隊嘅領隊。王東生係一名籃球迷，學生時代也是一名球員。王東生所效力的球隊曾經獲得了當地決賽的參賽資格，卻因為經費不足而無法參加成為終生遺憾。於是王東生立志日後事業有成，就要回饋自己最愛的籃球運動。