【宋宋大婚】宋仲基留言求教打心心　兼祝粉絲中秋節快樂

宋仲基同宋慧喬還有27日就正式拉埋天窗，他們9月初就去了美國洛杉磯影婚照，9月尾又給粉絲在街頭野生捕獲他們在法國巴黎預支蜜月，這對準人夫人妻認真又Sweet又好忙啊！

適逢新上任韓國總統文在寅「大派糖」，韓國今年的中秋連假足足有10日咁多！香港韓迷係咪好葡萄呢？不過唔緊要，因為仲基oppa終於現身在他自己的官方Cafe同大家打招呼，第一個Post仲基oppa就提醒粉絲：「今日開始就是連假，因為是隔了很久的連假，應該有人會去旅行或者同家人過，大家都要開開心心，需要揸車去比較遠地方的人都要注意安全，最近夜晚有點凍要小心不要感冒，我會再嚟㗎！我愛大家！」

（觀看更多）

不知是否因為宋仲基太久無上官方Cafe留言，還一連留了2個Post添，就連他自己都話，「我剛剛按完成就已經有好多人留言，究竟我有幾唔成日嚟呢，我會反省下㗎喇！以後都會嚟多啲！」宋仲基還有多謝粉絲送給他的生日禮物，又話自己生日過得好幸福，似乎喬妹都好用心準備同仲基oppa慶祝生日！最後宋仲基仲好搞笑咁問粉絲：究竟點樣用電腦打心心㗎？懂得的粉絲記得教oppa喇，否則下次oppa再留言又打唔到心心俾你地㗎喇。

更多圖片

我們01韓迷的facebook專頁Kpop 01已經開始喇！想知道更多韓國娛樂、飲食、玩樂、時尚資訊，快點去給like吧：https://www.facebook.com/hk01.kpop/