【Wanna One香港演唱會．有片】遲足1小時45分鐘 尹智聖代表致歉
等完又等，終於都等到《WANNA ONE 1st FAN MEETING IN HONG KONG》巡嚟香港！不過就算Wanna One巡到嚟香港，Wannable（Wanna One粉絲名稱）都是要默默等開Show，還要等足1個鐘頭45分鐘！Wannable才終於見齊11子姜丹尼爾、朴志訓、李大輝、尹智聖、金在奐、邕聖祐、朴佑鎮、賴冠霖、NU'EST黃旼炫、 裴珍映和HOTSHOT河成雲！
本來《WANNA ONE 1st FAN MEETING IN HONG KONG》首場原定喺晚上8點開始，但就因A區的Wannable在熄燈後，即時連人帶凳湧前「大遷徙」，成個A區的凳都不知去了哪裏，就連主持人森美都話：「你哋有無收埋咗啲凳喺袋到？記得拎返出嚟，唔係就會消失係百慕達三角㗎喇！」真的買了Ａ區飛的Wannable當然不肯走，最終主辦單位要一一邀請有關區域嘅Wannable先行出場，待工作人員重新排好座位後，再邀請Wannable進場，整個「活動」足足歷時1小時45分鐘。
而Wanna One一出場，先帶《Produce 101》 Season 2嘅大熱歌曲《Pick Me》同Wannable見面！之後當然唔少得韓星來港必備的廣東話部分，Wanna One成員逐一用廣東話同香港的Wannable做自我介紹同打招呼：「大家好！」 而隊長尹智聖就做代表向Wannable致歉：「對唔起大家！因為遲了開始十分抱歉，希望大家會enjoy今晚。」之後Wanna One再跟森美大學廣東話，一人一句向Wannable傳情，「大家好！我哋喺Wanna One，香港嘅夜景好靚啊！今晚嘅粉絲見面會，我哋嘅心情既興奮又緊張，多謝你哋愛我哋，我唔會忘記今晚，香港Wannable我愛你哋！中秋節快樂！」
Wanna One學完廣東話再大跳一眾前輩嘅名曲，就好似BTS《Boy In Luv》、EXO《Growl》同I.O.I《Pick Me》等，台上台下一樣咁興奮同開心！而去到中段Wanna One換走學院風打歌服，換上一身causal wear獻唱《Wanna Be》，姜丹尼爾又表示：「對自己下半身好有自信，但就要下次先Show給大家睇。」台灣籍成員賴冠霖仲即場表演中文Rap！去到尾聲Wanna One個個都話好想再嚟，叫Wannable要等佢哋添啊！
更多Wanna One圖片
Wanna One跟森美學廣東話
我們01韓迷的facebook專頁Kpop 01已經開始喇！想知道更多韓國娛樂、飲食、玩樂、時尚資訊，快點去給like吧：https://www.facebook.com/hk01.kpop/